كلام فالسريع 🏃

#بقلمي 🖋
زي ما قلت "لا أكتب عبثًا" فأنا فعلا كل ما بقرر أكتب بيكون ليا هدف، ساعات ببوصل صح وساعات يحتاج اشرحه ودي أسوء حاجة بالنسبة لي لان بحس ان محدش بيبقي فاهمك غير نفسك وبس!!  🤷🏻‍♀ وساعات المعني المقصود مبيظهرش وبتظهر بداله معاني تانية أجمل وأحلي بس مش بتعبر عني خالص!  ببقي أنا اللي كاتباها بس لأ مش ده اللي بكون قاصداه!!  وبما إني شخص مقدر للوقت جداً -بعيدًا عن تضييع الوقت اللي بضيعه- بس بقدر اد ايه ممكن دقيقة تقلب حياة اي انسان لحاجة تانية خالص ممكن تكون أحلي بكتير لو بدأ بدري شوية ..
كل دقيقة في حياتنا لو استغلناها صح هتساهم في مستقبل أحسن وفي حاجات لو وقتها فات مش هتتعمل خالص خالص.. لو فترة الشباب خلصت من غير ما نتعلم حاجة جديدة ونشتغل ونطور من نفسنا وأكيد هتتعب طبعاً هتبقي حرفياً راحت هدر واللي راح عمره ما بيرجع..
ده لو كان بيرجع كنت حققت كل أحلامي والله اللي كلها ضاعت دي 😢❤
Feel like "هو اللي راح بيرجع تاني يا رضا " !!
دايمًا الجملة دي مترددة في دماغي وممكن تخليني اخد risk كبير لمجرد اني مرجعش في فترة واندم واقول ليه معملتش كدا؟؟  وساعات كتير بعد ما ب risk باخد حاجات كتير حلوة وبقول الحمدلله إني اتشجعت ولو لمرة 🤓 ..
لما فالأجازة كتبت قصة "كل الدروب أعادتني إليك " مكنتش قاصدة اكتب قصة حب وتلزيق وكلام فاضي وكدا..  كل التعليقات كانت إيه دااااععععععع قصة حب 😳؟؟؟!!!
والكثير من "سسسسسس" وكدا 😂😂
إطلاقاً مكنتش اقصد كدا بس كنت بوضح أهمية الوقت في كل حاجة في حياتنا.. ساعات لما بنتأخر بتبقي الفرصة راحت خالص ومفيش آلة زمن بقي ترجعنا الفرصة تاني..
وبما أن الإنسان كائن عاطفي بطبعه فكانت الطريقة الوحيدة اللي ممكن توصل بيها الفكرة هي المشاعر الرقيقة والحب اللي اكيد، هيجذبك للقصة❤
اتمني ان ال morals بتاعتي توصل صح ودايما يكون ليا دور مؤثر بكلامي وأفعالي في حياة أي حد أعرفه ويعرفني..
وحتي لو وصلت معاني تانية اتمني دايماً تبقي حلوة 💙!!
شكرًا لأي حد بيشجعني اني اكتب من اهلي او صحابي القمرات وزمايلي الموقرين 😂❤
وشكرا لاي حد بيديني رد بارد لانه بيشجعني اكتب بردو ف في كل الاحوال مستفيدين يعني..
وعشان ده كلام من القلب مش مترتب فهو بالعامية وشكراً 😊🚶
#رنا_هشام
#طه 🤓
#صباح_الخير_والحب 💙❤